زەهیر شەعلان، پارێزگاری دیوانییە رایدەگەیەنێت، نوسراوی بانکی بۆ خەرجکردنی بڕی 100000 سەد دیناری گەیشتوە و لەئایندەیەکی نزیکدا بەسەر فەرمانبەرانی هەمیشەیی و گرێبەستدا دابەشدەکرێت.

ئاوێنه‌: ئەمڕۆ چوارشەممە، زەهیر شەعلان، پاریزگاری دیوانییە لە راگەیەندراوێکدا بڵاویکردوەتەوە، نوسراوی بانکی بۆ خەرجکردنی بڕی 100000دیناری گەیشتوە و و لە ئایندەیەکی نزیکدا بەسەر فەرمانبەرانی دەوڵەت و ئەو فەرمانبەرە گرێبەستانەی موچەکانیان 500000 پێنج سەد هەزار دینارە دابەشدەکرێت.

رونیشیکردوەتەوە، هەمو رێکارەکانی لیستی ناوەکان ئامادەکراوە و لەگەڵ نزیکبونەوەی جەژنی رەمەزان وەک یەکەم پارێزگا لە دیوانییە دابەش دەکرێت.

دابەشکردنی ئەو بڕە پارەیە لەسەر بڕیاری ئەنجومەنی وەزیران و پاش بەرزبونەوەی نرخی نەوت لەبازاڕەکانی جیهاندا دێت، بڕیارە لە ئایندەیەکی نزیکدا لە پارێزگاکانی دیکەی عێراقیش دابەشبکرێت.

تائێستا هیچ بڕیارێک نییە بۆ ئەوە دابەشکردنی ئەو بڕە هاوکارییە فەرمانبەرانی هەرێم دەگرێتەوە یان نا.