هۆشیار زێباری، ئەندامی مەکتەبی سیاسیی پارتی، لە تویتێکدا بڵاویکردووەتەوە و ڕایگەیاندووە، پارتی کرێکارانی کوردستان”پەکەکە” تیرۆریستە.
ئاوێنه: زێباری، تۆمەتباریاندەکات بە دەستبەسەرداگرتنی شەنگال و خەڵکەکەی.
لە تویتەکەیدا زێباری پشتیوانی لە سوپای عێراق دەکات و داوادەکات هێزەکانیان کۆنترۆڵی شەنگال بکەن.
هەروەها هۆشیار زێباری، جێبەجێکردنی ڕێککەوتنی شەنگال بە پێویست و گرنگ دەزانێت.
پێشتر هەر لەبارەی شەنگالەوە، هۆشیار زێباری لە تویتێکی دیکەیدا کە دواتر سڕدرایەوە، پەکەکەی بە “تیرۆریست” ناوبردبوو، هەروەها وەک “پشتگیریکراو لەلایەن سەرۆکایەتیی دەستەی حەشدی شەعبیەوە” وەسفیکردبوون.
