ئەمڕۆ هەینی نرخی نەوت لە بازاڕەكانی جیهان بەشێوەیەكی بەرچاو بەرزبوەوە، ئەوەش لە سایەی ترس لە كەمبوونەوەی دابینكردنی نەوت لە بازاڕەكان.
ئاوێنە: بەرەبەیانی ئەمڕۆ هەینی، یەك بەرمیل نەوتی خاوی برێنت بە 111 دۆلار و 43 سەنت مامەڵەی پێوەكراو هاوکات هەر بەرمیلێک نەوتی خاوی تێکساسیش بە 108 دۆلار و 89 سەنت مامەڵەی پێوەکرا.
دو رۆژ لەمەوبەر سەرۆكی كۆمسیۆنی یەكێتی ئەوروپا پێشنیاری كرد هاوردەی نەوتی روسیا بۆ وڵاتانی یەكێتییەكە، قەدەغە بكرێت.
هەروەها دوێنێش وڵاتانی ئۆپیك پڵەس جەختیان لە رێككەوتنی پێشویان بۆ بەرهەمهێنانی نەوت كردەوە.
ئەوەش ترسی ئەوەی دروستكردوە كە دابینكردنی نەوت بۆ بازاڕەكانی جیهان رو لە كەمی بكات.