كەشناسی هەرێم رایگەیاند، ئەمڕۆ ئاسمانی پارێزگاكانی هەرێم ساماڵ دەبێت و سبەینێش لەنێوان ساماڵ و نیمچەهەوردا دەبێت و ئەگەری تۆزو خۆڵێكی سوك هەیەو پلەكانی گەرماش بەرزدەبنەوە.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان، لە راگەیەندراوێكدا كەشوهەوای ئەمڕۆ شەممەو سبەی یەكشەممەی بڵاوكردەوە.
بەپێی راگەیەندراوەكە ئاسمانی ئەمڕۆی پارێزگای هەرێم ساماڵ دەبێت و سبەینێش ئاسمان لەنێوان ساماڵ و نیمچە هەوردا دەبێت.
بەپێی پێشبینی كەشناسی هەرێم لە دوای نیوەڕۆی سبەینێ یەكشەممەوە ئەگەر دروستبونی تۆزو خۆڵێكی سوك هەیە لەسەرجەم پارێزگاكان و هەروەها پلەكانی گەرماش لە چاو ئەمڕۆ چەند پلەیەك بەرزدەبنەوە.