دادگای فیدڕاڵی عێراق پڕۆژه یاسای ئاسایشی خۆراكی هه‌ڵوه‌شانده‌وه، كه له ئه‌نجومه‌نی وه‌زیرانه‌وه ره‌وانه‌ی په‌رله‌مانی عێراق كرابو.
ئاوێنه: دادگای فیدڕاڵی عێراق كه (بەرزترین دەسەڵاتی دادوەرییه عێراق) ئه‌مڕۆ یه‌كشه‌ممه له‌سه‌ر سكاڵایه‌كی پەرلەمانتار باسم خه‌شان له‌باره‌ی پڕۆژه یاسای ئاسایشی خۆراك كۆبوه‌وه و بڕیاریدا كه پڕۆژه‌یاساكه هه‌ڵبوه‌شێنێته‌وه.
پڕۆژه یاسای ئاسایشی خۆراك له‌لایه‌ن ئه‌نجومه‌نی وه‌زیرانی عێراقه‌وه له‌سه‌ر پێشنیازی وه‌زاره‌تی دارایی له رۆژی 13ی (ئازار/3)ی 2022 به‌په‌له پڕۆژه یاسایه‌كی به‌ناوی (پاڵپشتی خێرا بۆ ئاسایشی خۆراك و گه‌شه‌پێدان) ره‌وانه‌ی په‌رله‌مانی عێراق كرد، له رۆژی 26ی (ئازار/3) له‌لایه‌ن په‌رله‌مانه‌وه خوێندنه‌وه‌ی یه‌كه‌م بۆ پڕۆژه یاساكه كرا، بڕیاریشبو له‌دانیشتنی ئه‌مڕۆ 28ی هه‌مان مانگدا خوێندنه‌وه‌ی دوه‌می بۆ بكرێت، به‌ڵام كۆبونه‌وه‌كه دواخرا.
پڕۆژە یاسای ئاسایشی خۆراک، لە 10 مادە پێکھاتوە و بەپێی پڕۆژە یاساکە حکومەتی عیراق سەرپەرشتی هەژمارێکی بانکی دەکات بۆ کۆکردنەوەی نزیکەی 45 تریلیۆن دینار، لە پارەی زیاد لە بودجەی ساڵانە و قەرزی ناوخۆیی و دەرەکی، بە مەبەستی بەکارھێنانی بۆ مسۆگەرکردنی ئاسایشی خۆراک لە عیراق، لەڕێگەی دابینکردنی پارە بۆ بەشەخۆراکی مانگانە و کڕینی گەنم و چەڵتوک، لەگەڵ پێدانی شایستەی ساڵانی رابردوی جوتیاران.
