مەها عادل دوری، پەرلەمانتاری رەوتی سەدر لە پەرلەمانی عێراق رایگەیاند، كاردەكەین بۆ هەمواركردنەوەو پێداچونەوەی یاسای باڵای فیدراڵی عێراق.
ئاوێنە: مەها عادل دوری، ئەمڕۆ(دووشەممە) لە راگەیەندراوێكدا وتوشیەتی"رێگەنادەین رۆژانی دیكتاتۆری بگەڕێتەوە."
ئەو پەرلەمانتارە، ئاماژەی بەوەشداوە كە دوێنێ و ئەمڕۆ روونبۆتەوە كە "دادگای فیدراڵی بەناوی دەسەڵاتخوازانەوە بڕیار دەدات نەك بەناوی گەلی ستەملێكراوەوە."
پێشتر موقتەدا سەدر، رێبەری رەوتی سەدر رەخنەی توندی لە بڕیارەكانی دادگاكە گرت و تۆمەتباری كرد بەوەی كە لە بەرژەوەندی چوارچێوەی هەماهەنگی بڕیار دەدات.