لە سلێمانی لێکۆڵینەوە لە ئەگەری بونى "ماددەى ژەهراوی" لەناو ئاردى سفر دەکرێت
  2022-05-25       237       

ئەنجومەنی پارێزگای سلێمانی داوا لە چەند بەڕێوەبەرایەتییەكی شارەكە دەكات لیژنەیەكی هاوبەش پێكبهێنن بۆ لێكۆڵینەوە لە ئەگەری بونی "ماددەی ژەهراوی" لەناو ئاردی سفری هاوردە ئەوەش لە رێگەی پشكنینی نمونەی ئەو ئاردەوە.

ئاوێنە: ئەنجومەنی پارێزگای سلێمانی، لەسەر بنەمای یاداشتێكی لیژنەی تەندروستی و ژینگەی ئەنجومەن، نوسراوێكی ئاڕاستەی بەڕێەبەرایەتی گشتی تەندروستی، بەڕێوەبەرایەتی گشتی کشتوکاڵ، بەڕێوەبەرایەتی دروستکراوی دانەوێڵەو بەڕێوەبەرایەتی كۆنترۆڵی جۆری سلێمانی كردوە داوای لێكردون لیژنەیەكی هاوبەش پێكبهێنن بۆ وەرگرتنی نمونەی ئاردی سفری هاوردە بەمەبەستی پكشنینی ئەگەری بوونی ماددەی ژەهراوی لەناو ئەو ئاردەدا.

هەروەك داواشی لێكردون لە ئەنجامەكەی ئاگاداریان بكەنەوە.

زۆرترین بینراو
© 2022 Awene Online, Inc. All Rights Reserved.
×