قائیمقامی قەزای ئامێدی دەڵێت، هێزەكانی پەكەكە تەقەیان لە خاڵیكی هێزەكانی پێشمەرگە كردوەو پێشمەرگەیەك برینداربوە.
ئاوێنە: وارشین سەلمان، قایمقامی قەزای ئامێدی بە میدیاكانی پارتی راگەیاند، هێزەكانی پەکەکە لە سنوری ناحیەی کانی ماسێ تەقەیان لە خاڵێکی هێزەکانی پێشمەرگە کردوەو بەهۆیەوە پێشمەرگەیەک بە سوکی برینداربوە.
ئێوارەی ئەمڕۆ لە سنوری ناحیەی بامەڕنی لە قەزای ئامێدی لە بۆردومانێكدا دو منداڵ شەهیدبون و كەسێكی دیكەش برینداربون.
هەرچەندە میدیاكانی پەكەكەو شایەتحاڵەكان باسیان لەوە كرد كە بۆردومانەكە لەلایەن فڕۆكەی توركییەوە ئەنجامدراوەو هاوڵاتیانی ناوچەكەی لە سەیرانگای گوندێكی سنورەكە كردۆتە ئامانج، بەڵام دژە تیرۆری كوردستان(پارتی) رایگەیاند، هێرشەكە بە "موشەك" لەلایەن پەكەكە ئەنجامدراوەو پارێزگاری دهۆكیش پەكەكەی تۆمەتباركرد بە ئەنجامدانی هێرشەكە بەبێ ئەوەی جۆری هێرشەكە رونبكاتەوە.