بە تۆمەتی یاخیبوون لە دەستوور داوایەك دژ بە پارتی دیموكراتی كوردستان لە دادگای باڵای فیدڕاڵی تۆماركرا و داوای هەڵوەشاندنەوەی پارتەكە دەكرێت.
ئاوێنە: سكاڵاكە لەلایەن پارێزەری ئەندامێكی ئەنجومەنی نوێنەرانی عێراقەوە بۆ دادگاكە بەرزكراوەتەوە و تیایدا دەڵێت، بەهۆی ئەوەی پارتی یاخی بووە لە دەستووری عێراق و پابەند نییە بە بڕیارەكانی دادگای فیدڕاڵییەوە بڕیاری هەڵوەشاندنەوەی بدرێت.
هاوكات داوایكردووە هەر كاندیدێكی پارتی بۆ پۆستی سەرۆك كۆمار و پۆستەكانی دیكە لە حكومەت و پەرلەمان ڕەتبكرێتەوە.
ناوەرۆكی سكاڵاكە كە لەلایەن بەشێك لە میدیا عێراقییەكانەوە بڵاوكراوەتەوە تیایدا ناوی پەرلەمانتارەكە شاردراوەتەوە.