ئێوارەی ئەمڕۆ(چوارشەممە)، پەرلەمانی عێراق لە دانیشتی خۆیدا، پڕۆژە یاسای ئاسایشی خۆراكی پەسەندكردو پاشان دانیشتنەكەی پەرلەمان هەڵگیرا.
ئاوێنە: كەمێك لەمەوبەر پەرلەمانی عێراق كۆی پڕۆژە یاسای ئاسایشی خۆراكی پەسەندكرد.
حاكم زاملی، جێگری سەرۆكی پەرلەمانی عێراق رایگەیاند پەسەندكردنی یاساكە "سەركەوتنە بۆ مافی هەژاران."
وتیشی، چاودێری و بەدواداچون بۆ خەرجكردنی بڕی ئەو شایستە داراییانە دەكەین كە لەنێو یاساكەدا هاتوون.
جەختیشی كردەوە كە بەردەوام دەبن لە دەركردنی یاسا گرنگەكان و "لێپرسینەوە لە گەندەڵكاران."
لەدوای پەسەندكردنی یاساكەش، دانیشتنی پەرلەمانی عێراق هەڵگیرا.