ئەمڕۆ چوارشەممە، فڕۆكەكانی توركیا دو جار شارۆچكەی سنونێ-یان بۆردومان كردو بەهۆیەوە دو كەس شەهید بون و چەندین كەسیش برینداربون.
ئاوێنە: بەپێی میدیای نزیك لە پەكەكە، لە بۆردومانەكەی توركیادا چەندین هاوڵاتی برینداربون و دوای گەیاندیان بە نەخۆشخانە دوان لە بریندارەكان بەهۆی سەختی برینەكەیان گیانیان لەدەستداوە.
ئەو دو كەسەی گیانیان لەدەستداوە یەكێكیان منداڵێکی ١٢ ساڵە بەناوی ساڵح خدر شڤان ناسۆ ئەوی دیکەشیان باپیری منداڵەکەیە و خاوەنی پەڕاوگەبوە.
میدیای نزیك لە پەكەكە ئاماژەی بەوەداوە كە "بۆردومانەكەی توركیا هاوڵاتیانی مەدەنی كردوەتە ئامانج و لەناو بریندارەكاندا ڕۆژنامەنوسێك هەیە بەناوی سەلاح بەرجس."
بەهۆی چڕیی بۆردومانەكەو ڕوخانی بیناو دوكانەكانەوە هێشتا ئاماری وردی قوربانییەكان نەزاندراون.