ئەندامێكی لیژنەی وزە و سامانەسروشتییەکان لە پەرلەمانی كوردستان ئاشكرایدەكات، ئێوارەی ئەمڕۆ بەنزینە 800 دینارییەكە دەگاتە سلێمانی و بەسەر شۆفێران دابەشدەكرێت.
ئاوێنە: سەركۆ ئازاد گەڵاڵی، ئەندامی لیژنەی وزە و سامانەسروشتییەکان لە پەرلەمانی كوردستان ڕاگەیاند، ئێوارەی ئەمڕۆ یەك ملیۆن و 200 هەزار لیتر بەنزین دەگاتە سلێمانی و بەنرخی 800 دینار دەدرێتە بەشۆفێران.
وتیشی، ئەو بەنزینە لەلایەن پاڵاوگەكانی قەیوان لە بازیان ئامادەدەكرێت و بڕیارە ڕۆژانە بەردەوامبێت و لە سلێمانی و ھەڵەبجە و ئیدارەی ڕاپەڕین و گەرمیان دابەشبكرێت بەسەر شۆفێراندا.
بەوتەی ئەو پەرلەمانتارە جگە لەوەش بڕیارە بەنزینە 690 دینارییەكە دابین بكرێتەوە لە ڕۆژانی داهاتوودا و بەوەش جۆرێك لە جێگیربوون لە نرخ دروستدەبێت.