قائیمقامی سلێمانی ڕایگەیاند، لە دو ڕۆژی داهاتودا بەنزینی 800 دیناری دەگاتە سلێمانی و دەست بە دابەشکردنی دەکرێت .
ئاوێنە: ئاوات محەمەد، قائیمقامی سلێمانی، ئەمڕۆ پێنجشەممە، لە کۆنگرەیەكی رۆژنامەوانیدا رایگەیاند، "حکومەتی هەرێم بڕیاریدا بۆ دابەزاندنی نرخی بەنزین پاڵپشتی نرخەکەی بکات و بە 800 دینار دابەش بکرێت، لە دو ڕۆژی داهاتودا لە سلێمانی و هەڵەبجە و ئیدارەکانی گەرمیان و ڕاپەڕین دەست بە دابەشکردنی دەکرێت."
وتیشی، "بڕی بەنزینەکە ملیۆنێک و 200 هەزار لیترە بۆ پارێزگاکانی سلێمانی و هەڵەبجەو ئیدارەکانی گەرمیان و ڕاپەڕین و لە سەرەتاوە ئەو بەنزینە زیاتر بۆ شۆفێرانی تاکسی و پاس دەبێت و دواتر بۆ سەرجەم شۆفێران."