كەشناسی هەرێم پێشبینی دەكات، ئەمڕۆ(هەینی) و سبەی(شەممە)، پلەكانی گەرما بەرزببنەوەو لە پاشنیوەڕۆی سبەینێشەوە بەهۆی چالاكبونی خێرایی با، خۆڵبارینێكی سوك پەیداببێت.

ئاوێنە: بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە راگەیەندراوێكدا، رایگەیاند، ئەمڕۆ(هەینی)، ئاسمانی هەرێم ساماڵ و خێرایی با لەسەرخۆ بۆ مامناوەند (10- 20) كیلۆمەتر لە كاتژمێرێكدا دەبێت و مەوداى بینینیش (8 - 10) کیلۆمەتر دەبێت.

ئەوەشی خستۆتەڕو، ئەمڕۆ پلەكانی گەرما لەچاو دوێنێ كەمێك بەرزتر دەبنەوە.

هەروەها سەبارەت بە كەشوهەوای سبەینێش رایگەیاندوە، ئاسمانی هەرێم دەبێت لەگەڵ بونی خۆڵبارینێكی سوك و پلەكانی گەرماش بەراورد بە رۆژانی پێشو 1 تا 2 پلە بەرزدەبنەوە.

بەگوێرەی راگەیەندراوەكە، سبەینێ خێرایی با لەسەرخۆ دەبێت و لە كاتەكانی پاشنیوەڕۆ چالاک دەبێت و لە هەندێک ناوچە دەگاتە سەروی 30 کیلۆمەتر لە كاتژمێرێكداو دەبێتە هۆی پەیدابونی کەمێک تۆزو مەودای بینین (7 – 9) کیلۆمەتر دەبێت .

كەشناسی پێشبینی كردوە بەرزترین پلەکانی گەرمای پێشبینیکراو بۆ سبەینێ لە ناوچە جیاجیاكان بەمجۆرە بن:

هەولێر  : 41

سڵێمانی : 40

دهۆک  : 40

کەرکوک : 44

هەڵەبجە : 41

سۆران  : 37

راپەرین : 37

گەرمیان : 45