ئەمینداری کەتائیبی ئیمام عەلی هەڕەشەی بە ئامانجگرتنی تورکیا و بەرژەوەندییەکانی لە خاکی عێراق دەکات.
ئاوێنه: شەبل زەیدی، ئەمینداری کەتائیبی ئیمام عەلی کە سەر بە حەشدی شەعبییە لە تویتەری خۆی نوسیویەتی، تورکیا و بەرژەوەندییەکانی بە ئامانج دەگرن، دەشڵێت "زیان بەوانە دەگەیەنن کە زیان بە عێراق دەگەیەنێت".
ئەوەش لەکاتێکدایە ئەمڕۆ هەینی تورکیا بە فڕۆکەی بێفڕۆکەوان لە کەلار ئۆتۆمبێلێکی کردە ئامانج و بەهۆیەوە چوار کەس شەهید بون و کەسێکیش بریندار بوون.
وەزارەتی دەرەوەی عێراق ڕاگەیەندراوێکی لەبارەی ئەو هێرشەی تورکیا بڵاوکردەوە و وتی "ڕێشوێنی پێویست دەگرینەبەر دژ بە هێرشەكانی توركیا".