کەشناسیی هەرێمی کوردستان کەشوهەوای ئەمڕۆ و سبەینێی پارێزگاکانی بڵاوکردەوە، بەپێی پێشبینییەکان سبەینێ خۆڵبارین دەبێت و پلەکانی گەرما دادەبەزن.
ئاوێنه: بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، ئەمڕۆ ئاسمان ساماڵ دەبێت، پلەکانی گەرما یەک بۆ سێ پلە نزمدەبنەوە.
بەپێی پێشبینییەکانی کەشناسی، سبەینێ چوارشەممە ئاسمان بە گشتی ساماڵ دەبێت، لەگەڵ بەرزبوونەوەی تۆز و خۆڵ، ئاستی بەرزبوونەوەی تۆز و خۆلەکە مامناوەندە و لەکاتەکانی شەودا کاریگەرییەکەی لاواز دەبێت.
هەروەها کەشناسیی ڕایگەیاندوە، سبەینێ پلەکانی گەرما بە نزیکەیی 4 بۆ 6 پلەی سەدی دادەبەزن.