سدیق محەمەد، بەڕێوەبەری ناحیەی قادر کەرەم رایگەیاند، ئێوارەی ئەمڕۆ(چوارشەممە)، بە موشەك هێرش كراوەتە سەر كۆمپانیای دانەغاز لە كێڵگەی بەرهەمهێنانی غازی كۆرمۆر.
ئاوێنە: سدیق محەمەد، بەڕێوەبەری ناحیەی قادرکەرەم بە میدیای رەسمی یەكێتی ڕاگەیاند ئێوارەی ئەمڕۆ کاتژمێر ٠٤:٤٥دەنگی تەقینەوەیەک بیستراوە، تەقینەوەکە لەگوندی کۆرمۆر لە نزیک کۆمپانیای دانەغاز بوە و دو دەنگی ھەبوە کە پێ ئەچێت موشەك لەجۆری كاتیۆشا بوبێت.
وتیشی تەقینەوەکە ھیچ زیانێکی گیانی و مادی نەبوە و لە ئێستاشدا ھێزە ئەمنییەکان سەرقاڵی لێکۆڵینەوەن لەو ڕوداوە.