بەپێی بەرنامەی كاری دانیشتنی سبەینێی پەرلەمان، وەزیری ئاوەدانكردنەوە ئامادەی دانیشتنەكە دەبێت بۆ گفتوگۆكردن لەبارەی هۆكاری دواكەوتنی پڕۆژەكانی رێگاوبان و تەواونەكردنی یەكەكانی نیشتەجێبون لە وادەی دیاریكراوی خۆیاندا.
ئاوێنە: سەرۆكایەتی پەرلەمانی كوردستان بەرنامەی كاری دانیشتنی سبەینێی بڵاوكردەوە كە بڕیارە كاتژمێر 10ی سەرلەبەیانی دەست پێبكات.
بەپێی بەرنامەی كارەكە، دانیشتنەكە لەم دو بڕگەیە پێكدێت:
یەكەم: خستنهڕو و گفتوگۆكردنی ڕاپۆرتی لێژنەی (ئاوەدانكردنەوە و وەبەرهێنان) سهبارهت به (هۆكاری وەستاندنی پڕۆژەكانی ڕێگاوبان و تەواونەكردنی یەكەكانی نیشتەجێبون لە وادەی یاسایی دیاریكراوی خۆیاندا)، بەئامادەبونی بەڕێز وەزیری ئاوەدانكردنەوە و نیشتەجێكردن، بەپێی حوكمی بڕگەی (یەكەم)ی ماددەی (٦٦) لە پەیڕەوەی ناوخۆی پەرلەمانی كوردستان.
دوەم: خوێندنهوهی دوهم بۆ پێشنیازە یاسای (بەركاركردنی یاسای فیدراڵی واژۆی ئەلكترۆنی و مامەڵەی ئەلیكترۆنیەكان ژمارە (٧٨)ی ساڵی ٢٠١٢ لە هەرێمی كوردستان-عێراق)، بهپێی حوكمی ماددهكانی (٨٧، ٨٨، ٨٩، ٩٧) له پهیڕهوی ناوخۆی پهرلهمانی كوردستان.