وەزارەتی خوێندنی باڵا دو بڕیاری لەبارەی كوژرانی دو مامۆستاكەی زانكۆ دەركرد
  2022-06-28       543       

وەزارەتی خوێندنی باڵاو توێژینەوەی زانستی دو بڕیاری بۆ رێزگرتن لە گیانی ئەو دو مامۆستایەی زانكۆی سەڵاحەدین دەركرد، كە ئەمڕۆ سێشەممە، بەدەستی خوێندكارێك كوژران.

ئاوێنە: وەزارەتەكە، ئێوارەی ئەمڕۆ سێشەممە، لە راگەیەندراوێكدا ئاشكرایكرد: بۆ ڕێزگرتن لە گیانى پاکى هەردو مامۆستاى بە غەدر شەهیدکراو (د. کاوان ئیسماعیل) ڕاگرى کۆلێژى یاسا لە زانکۆى سەڵاحەدین و (د. ئیدریس حەمەخان) مامۆستا لە کۆلێژى ئەندازیارى زانکۆى سەڵاحەدین، سەرجەم زانکۆ و دامەزرواوە زانستییەکانى سەر بە وەزارەتەکەمان ڕادەسپێرین بە:

١- داگرتنى ئاڵاى وەزارەتەکەمان و زانکۆکان و دامەزراوەکانى سەر بە وەزارەتى خوێندنى باڵا و توێژینەوەى زانستى بۆ ماوەى سێ ڕۆژ.

٢- ڕاگرتنى سەرجەم چالاکییە زانستییەکان و مەراسیم و بۆنە و ئاهەنگەکانى دەرچون لەسەرجەم زانکۆکان بۆ ماوەى سێ ڕۆژ.

زۆرترین بینراو
© 2022 Awene Online, Inc. All Rights Reserved.
×