تیمی کوردستانی عێراقی رێكخراوی CPT رایگەیاند، بڕیاربو كۆتایی مانگی رابردو، پێنج چالاكوانی شیلادزێ ئازادبكرێن بەڵام تا ئێستا لە زینداندا راگیراون و چارەنوسیان رون نییە.
ئاوێنە: تیمی کوردستانی عێراقی رێكخراوی CPT، ئێوارەی ئەمڕۆ چوارشەممە، لە راگەیەندراوێكدا وتی"بڕیاربو كە زیندانیانی شیلادزێ، كۆڤان تاریق، یوسف شەریف، نێچیر بەدیع، مەحمود ناجی و ئەمجەد ڕێكانی لە كۆتایی مانگی ڕابردودا بە ئازادكردنی مەرجدار ئازادبكرێن، بەڵام تا ئێستا لە زینداندا ڕاگیراون."
ئەوەشی خستۆتەڕو"ھیچ بەرچاو ڕونیەكیش نییە لەسەر چارەنوسی ئەو پێنج زیندانییە."
تیمی كوردستانی عێراقی CPT، سەركۆنەی ڕاگرتن و ھێشتنەوەی ئەو پێنج چالاكوانەی كردوە لە زینداندا و لە ھەمان كاتدا نیگەرانی تیمەكەی راگەیاندوە سەبارەت بە بارودۆخی تەندروستی بەشێك لە زیندانیانی شیلادزێ لە زیندانی چاكسازی گەورانی ھەولێردا.