بارەگای بارزانی رەتیدەكاتەوە مەسعود بارزانی، سەرۆكی پارتی لەبارەی پرۆسەی سیاسی و ناوی كاندیدانی سەرۆك وەزیران پەیامی جیاوازی بۆ سەركردەكانی چوارچێوەی هەماهەنگی ناردبێت و دەشڵێت، بەلای مەسعود بارزانییەوە ناوی كەس و لایەن لە پڕۆسەی سیاسیی عێراق و حكومەتی داهاتودا، گرنگ نییە بەڵكو جێبەجێكردنی دەستورو بەرنامەی حكومەتی داهاتوی عێراق گرنگە.
ئاوێنە: بارەگای بارزانی، كەمێك لەمەوبەر، لە رونكردنەوەیەكدا رایگەیاند، لە ژمارەیەك دەزگای ڕاگەیاندن و میدیادا وا بڵاوبوەتەوە كە لەسەر بابەتی پڕۆسەی سیاسی و ناوی كاندیدانی سەرۆك وەزیرانی حكومەتی داهاتوی عێراق، مەسعود بارزانی پەیامی جیاوازی بۆ سەركردەكانی چوارچێوەی هەماهەنگی ناردوە.
ئاماژەی بەوەشداوە كە "ئەو هەواڵە دورە لە ڕاستی و هیچ بنەمایەكی نیە."
بارەگای بارزانی وتوشیەتی: لەگەڵئەوەشدا جەخت لەوە دەكەینەوە لە پڕۆسەی سیاسیی عێراق و حكومەتی داهاتودا، ناوی كەس و لایەن بە لای مەسعود بارزانیەوە "گرنگ نییە بەڵكو جێبەجێكردنی دەستورو، بەرنامەی حكومەتی داهاتوی عێراق گرنگە كە هاوكات ئەو بەرنامەیە دەبێ لەسەر بنەمای هەر سێ پڕەنسیپی شەراكەت و هاوسەنگی و سازان بێت."