بەڕێوەبەری گەشتوگوزاری ھەولێر ئاشکرای کرد، پێشبینی دەکرێت لەم جەژنەدا ٢٠٠ ھەزار گەشتیار بێنە ھەولێر، بۆ پێشوازیکردن لە گەشتیارانیش ئامادەکاریی تەواو کراوە.
ئاوێنە: ئیسماعیل مینەخان، بەڕێوەبەری گشتوگوزاری هەولێر، ئەمڕۆ پێنجشەممە، بە ماڵپەڕی رەسمی پارتی راگەیاند''ژمارەی گەشتیارانی ناوخۆ و پارێزگاکانی عێراق و وڵاتانی بیانی بۆ ھەرێمی کوردستان زیادی کردوەو لە ماوەی تەنیا شەش مانگی رابردودا یەك ملیۆن و 117 هەزارو 395 گەشتیار سەردانی شاری ھەولێر و دەوروبەریان کردوە، بە بەراورد بە پێشو بە ڕێژەی ١٥% ژمارەی گەشتیاران بەرز بوەتەوەو بەردەوام لە بەرزبونەوەدایە."
بەپێی ئامارەكانی بەڕێوەبەرایەتی گەشتوگوزاری ھەولێر لەو ژمارە گەشتیارەكە كە ماوەی شەش مانگی سەرەتای ئەمساڵدا هاتونەتە پارێزگاكە، 238 هەزارو 531 گەشتیاریان بیانین.