بافڵ تاڵەبانی رایگه‌یاند، ئەركی هەموانە بە رۆحێكی نیشتمانی و بەرپرسیارانەوە كار بكەن بۆ بەدەستهێنانی ماف و شایستە دەستورییەكان، پێشكەشكردنی خزمەتگوزاری زیاتر بۆ هاوڵاتییان و دابینكردنی ژیانێكی ئارام و خۆشگوزەران.
ئاوێنە: بافڵ تاڵەبانی، سەرۆكی یەكێتیی نیشتمانیی كوردستان ئه‌مشه‌و هه‌ینی له په‌یامێكدا به‌بۆنه‌ی جه‌ژنی قوربانه‌وه رایگه‌یاند، "بەبۆنەی جەژنی قوربانی پیرۆزەوە پیرۆزباییەکی گەرم ئاڕاستەی موسڵمانانی جیهان، عێراق و هەرێمی کوردستان دەکەم، هیوادارم ئەم جەژنە دەرفەتێک بێت بۆ قوڵبونەوەی گیانی تەبایی و یەکڕیزی لە هەرێمەکەمان و کاری پێکەوەیی لەپێناو بونیادنانی داهاتویەکی سەقامگیر بۆ هاوڵاتییان و پاراستن و بەهێزترکردنی قەوارەی هەرێمی کوردستان".
ئاماژه‌ی به‌وه‌شكردوه، "ئەركی هەمومانە بە رۆحێكی نیشتمانی و بەرپرسیارانەوە كار بكەین بۆ بەدەستهێنانی ماف و شایستە دەستورییەكانمان، پێشكەشكردنی خزمەتگوزاری زیاتر بۆ هاوڵاتییان و دابینكردنی ژیانێكی ئارام و خۆشگوزەران".