ماوه‌ى دوو رۆژه له‌سه‌ر یه‌ك نرخى نه‌وت له‌بازاڕه‌كانى جیهان ڕوو له دابه‌زینه‌و پسپۆرانى بوارى وزه‌ش ڕایده‌گه‌ینن بڵاوبونه‌وه‌ى كۆرۆنا له چه‌ند پارێزگایه‌كى ووڵاتى چین نرخه‌كانى دابه‌زاندوه.
ئاوێنه: ئه‌مرۆ 12/7/2022 نرخى نه‌وتى خاو له بازاره‌كانى جیهان به‌م شێوه‌یه بوو، یه‌ك به‌رمیل نه‌وتى برێنت به 105 دۆلار مامه‌ڵه‌ى پێوه‌كرا كه نرخه‌كه‌ى 2 دۆلار دابه‌زیوه به‌به‌راورد به رۆژى پێشترو نرخى یه‌ك به‌رمیل نه‌وتى ته‌كساس به 102 دۆلار مامه‌ڵه‌ى پێوه‌كراو 2 دۆلارو 8 سه‌نت نرخه‌كه‌ى دابه‌زى.
پسپۆرانى بوارى وزه دابه‌زینى نرخى نه‌وت بۆ بڵاوبونه‌وه‌ى كۆرۆنا به‌شێوازێكى توند و گرتنه‌به‌رى رێكاره‌كانى خۆپارێزى له‌لایه‌ن حكومه‌تى چین ده‌گێڕنه‌وه‌و پێشبینى ده‌كرێت نرخه‌كه‌ى له‌چه‌ند رۆژى ئاینده بگاته‌وه خوار 100دۆلار.