موقته‌دا سه‌در ئه‌و قوتابخانانه‌ی سه‌ربه محه‌مه‌د سادقن له عێراقدا داخست، هاوكات دوێنێ شه‌و هه‌مان كاری له ئێرانیشدا ئه‌نجام دا و قوتابخانه‌كانی داخست.
ئاوێنە: ئه‌مڕۆ چوارشه‌ممە 13ی ته‌مووز، میدیاكانی ئێران بڵاویان كرده‌وه، موقته‌دا سه‌در رێبه‌ری ره‌وتی سه‌در، فه‌رمانی كردووه به داخستنی ئه‌و قوتابخانانه‌ی كه سه‌ربه مه‌كته‌بی محه‌مه‌د سادق سه‌درن له ئێران.
هه‌روه‌ها سه‌در فه‌رمانی كردووه قوتابخانه‌ی "أهلیة مختلطة" له شاری قوم له باشووری تاران دابخرێ.
له ماوه‌ی رابردوودا موقته‌دا سه‌در له دوای كشانه‌وه‌ی له پرۆسه‌ی سیاسی له عێراق، سه‌رجه‌م نووسینگه و قوتابخانه‌كانی سه‌ربه محه‌مه‌د سادق سه‌دری له عێراق داخستن.