پەرلەمانتارێكی چوارچێوەی هەماهەنگی، رایگەیاند، لەسەر بنەمای چەند مەرجێك هێزەكانی ناو چوارچێوە لەسەر كاندیدی سەرۆك وەزیرانی عێراق رێككەوتون و لە دو رۆژی داهاتوشدا ناوی كاندیدەكە رادەگەیەنن.
ئاوێنە: ئەحمەد موسەوی، پەرلەمانتار لە چوارچێوەی هەماهەنگی، ئەمڕۆ(چوارشەممە)، لە تویتێكدا ئاشكرایكرد، لە دو رۆژی داهاتودا، چوارچێوەی هەماهەنگی كاندیدی خۆی بۆ پۆستی سەرۆك وەزیران ئاشكرادەكات كە چوار مەرجی تێدا دەبێت و بریتین لەوەی: "كەسێكی پاك بێت، خاوەنی كارامەیی بێت، شارەزاییەكی زۆریی لە سیاسەتدا هەبێت و لە سەركردەكانی ریزی دوەم بێت."
هێمای بۆ ئەوەش كردوە كە ئەوەش ئەو مەرجانەن كە هێزەكانی ناو چوارچێوەی هەماهەنگی لەسەری رێككەوتون و مەرجەعیەت و هێزە نیشتمانییەكانیش پشتیوانی دەكەن.