هەپەگە رایگەیاند، لە زنجیرەیەك چالاكی گەریلادا لە ماوەی دو رۆژدا لە ناوچەكانی زاپ و خابور، 11 سەربازی دیكەی سوپای توركیا كوژراون و دو سەربازیش برینداربون.
ئاوێنە: ناوەندی راگەیاندنی هێزەكانی پاراستنی گەل(هەپەگە)، ئەمڕۆ پێنجشەممە، لە راگەیەندراوێكدا ئاشكرایكرد، دوێنێ 13ی تەموز لە چالاكییەكی گەریلادا لەناوچەی زاپ سەربازێكی سوپای توركیا كوژراوەو لە چالاكییەكی دیكەشدا گورز لە حەفارەیەك وەشێنراوە.
هەروەها ئاماژەی بەوەشداوە كە هەر دوێنێ لە پێنج چالاكی جیای گەریلادا لە ناوچەی خابور، حەوت سەربازی سوپای توركیا كوژراون و دوانی دیكەش برینداربون.
بەپێی راگەیەندراوەكە، رۆژی 9ی تەموزیش هەر لە ناوچەی خابور لە ئەنجامی دو چالاكی گەریلادا، سێ سەربازی توركیا كوژراون.