وەزارەتی كارەبای هەرێم رایگەیاند، هەفتەی داهاتو دەست دەكەن بە هەڵمەتێكی فراوانی بڕینی كارەبای ئەوانەی كە لە دەرەوەی پێوەری زیرەك سەرپێچیان كردۆتە سەر تۆڕی نیشتمانی كارەبا.
ئاوێنە: وەزارەتی كارەبا، كەمێك لەمەوبەر لە رونكردنەوەیەكدا وتویەتی"پێوەری زیرەك بەهیچ شێوەیەك سەرپێچی لەسەر ناكرێت و ئەو سەرپێچیكارانەش كە لە دەرەوەی پێوەرەكە سەرپێچیان كردوەتە سەر تۆڕی نیشتمانیی كارەباو زیان بە بەرژەوەندیی هاوڵاتیان و دادپەروەریی لە دابەشكردنی كارەبا دەگەیەنن، راستەوخۆ لە رێگەی داتا سەنتەری پێوەری زیرەكەوە شوێنەکەیان دیاری كراوە."
ئەوەشی خستۆتەڕو"وەزارەتی كارەبا، هەفتەی داهاتو هەڵمەتێكی فراوانی بڕینی كارەبای سەرپێچیكاران و سزادانیان دەست پێ دەكات."