کەشناسی ھەرێمی کوردستان پێشبینی دەكات ئەمڕۆ(هەینی) و سبەی(شەممە) پلەكانی گەرما نزم ببنەوەو سبەینێش تۆزێكی سوك هەبێت.

ئاوێنە: بەڕێوەبەرایەتی گشتی کەشناسی و بومەلەرزەزانی ھەرێم لە راگەیەندراوێکدا پێشبینی خۆی بۆ کەشوھەوای ٤٨ سەعاتی داھاتو خستەڕو و رایگەیاند، ئەمڕۆ(هەینی)، ئاسمان ساماڵ دەبێت و پلەكانی گەرما بەراورد بە رۆژانی پێشو نزم دەبنەوە.

راگەیەندراوەکە ئەوەشی خستۆتەڕو، ئەمڕۆ، بەرزترین پلەکانی گەرمای پێشبینیکراو بەم شێوەیە دەبین: ھەولێر: 41، سلێمانی: 40، دھۆک: 40، کەرکوک: 43، ھەڵەبجە: 41، سۆران: 40، راپەرین: 40، گەرمیان: 46 پلە.

بەگوێرەی راگەیەندراوەكە، سبەینێ، ئاسمان بە گشتی ساماڵ دەبێت و پلەكانی گەرماش لە هەندێك ناوچە دادەبەزن لەگەڵ بونی تۆزێکی سوک لە ناوچەکانی باشوری هەرێم.

ھێمای بۆ ئەوەش کردوە، بەرزترین پلەکانی گەرمای پێشبینیکراو بۆ سبەینێ بەم جۆرە دەبن: ھەولێر: 40، سلێمانی: 39، دھۆک: 40، کەرکوک: 43، ھەڵەبجە: 40، سۆران: 39، راپەرین: 40، گەرمیان: 45 پلە.