ئەنتۆنی گوتێرێس، سكرتێری گشتی نەتەوە یەكگرتوەكان ئیدانەی تۆپبارانەكەی رۆژی چوارشەممەی زاخۆ دەكات و داوا دەكات لێكۆڵینەوەیەكی بەپەلەو ورد بكرێت لەبارەی هێرشەكەوە.
ئاوێنە: بەپێی راگەیەندراوێكی نەتەوە یەكگرتوەكان، ئەنتۆنی گۆتێرێس ئیدانەی تۆپبارانە كوشندەكەی رۆژی چوارشەممەی زاخۆ دەكات كە تێیدا ژمارەیەك كەسی مەدەنی كوژران و برینداربون.
بەپێی راگەیەندراوەكە، سكرتێری گشتی نەتەوە یەكگرتوەكان داوا دەكات لێكۆڵینەوەیەكی بەپەلەو ورد بكرێت لەبارەی روداوەكەوە بۆ دیاریكردنی دۆخی هێرشەكەو دەستەبەركردنی لێپرسینەوە.