کەشناسی ھەرێمی کوردستان، پێشبینی خۆی بۆ کەشوھەوای ئەمڕۆ و سبەی راگەیاندو دەڵێت، سبەینێ ئەگەری خۆڵبارینێکی سوک ھەیەو پلەکانی گەرماش بەرزدەبنەوە.
ئاوێنە: بەڕێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێکدا وتی، ئەمڕۆ(شەممە)، ئاسمان ساماڵ دەبێت لە گەڵ دروسبونی ھەندێ پەڵە ھەور لە ناوچە شاخاوییە سنورییەکان.
ئەوەشی خستۆتەڕو، ئەمڕۆ، بەرزترین پلەکانی گەرمای پێشبینیکراو بەم شێوەیە دەبن: ھەولێر: ٤٥، سلێمانی: ٤٢، دھۆک: ٤٤، کەرکوک: ٤٦، ھەڵەبجە: ٤٤، سۆران: ٤٣، راپەرین: ٤٣، گەرمیان: ٤٧ پلە.
پێشبینیشی کردوە، سبەینێش ئاسمان ساماڵ دەبێت و لە دوای نیوەڕۆوە بەھۆی زیادبونی خێرایی با ئەگەری بەرزبونەوەی تۆزێکی سوک ھەیەو پلەکانی گەرماش بە ١ تا ٢ پلە بەرز دەبنەوە.
ھێمای بۆ ئەوەش کردوە، بەرزترین پلەکانی گەرمای پێشبینیکراو بۆ سبەینێ بەم جۆرە دەبن: ھەولێر: ٤٥، سلێمانی: ٤٣، دھۆک: ٤٤، کەرکوک: ٤٧، ھەڵەبجە: ٤٥، سۆران: ٤٤، راپەرین: ٤٤، گەرمیان: ٤٨ پلە.