بە نووسراوێکی فەرمی ئەنجوومەنی وەزیران، وەزارەتی دارایی ئاگادار دەکاتەوە، کە فەرمانبەرانی پلە تایبەت و باڵا نابێت لە کەرتی تایبەتدا کار بکەن.
بەپێی نووسراوێکی ئەنجوومەنی وەزیرانی هەرێم، کە بۆ وەزارەتی دارایی نێردراوە تێیدا هاتووە: "لەسەر کارکردنی فەرمانبەران دوای دەوامی فەرمی، فەرمانبەرانی پلە تایبەت و پلە باڵا تا لەو پلەیەدا بن، نابێت لە کەرتی تایبەتدا کار بکەن".
وەزارەتی دارایی ئاماژەی بەوەکردووە، کە دەبێ فەرمانگە و وەزارتەکان ناوەڕۆکی بڕیارەکە جێبەجێ بکەن.