پاشنیوەڕۆی ئەمڕۆ پێنجشەممە، مەسعود بارزانی، سەرۆكی پارتی دیموكراتی كورستان و بافڵ تاڵەبانی، سەرۆكی یەكێتیی نیشتمانیی كوردستان لە پیرمام دەستیان بە كۆبونەوە كردوە بۆ تاوتوێكردنی "چارەسەری ناكۆكییەكانی نێوان هەردو حزب."
ئاوێنە: بەپێی میدیای رەسمی یەكێتی پاشنیوەڕۆی ئەمڕۆ كۆبونەوەی بافڵ تاڵەبانی، سەرۆكی یەكێتیی نیشتمانیی كوردستان و مەسعود بارزانی، سەرۆكی پارتی دیموكراتی كوردستان لە پیرمام دەستیپێكردوە.
لە كۆبونەوەدا ھەریەك لە قوباد تاڵەبانی و فواد حسێن ئامادەی كۆبونەوەكەن.
بەپێی ئەو زانیارییانەی كە لە میدیاكانی پارتی بڵاوكراونەتەوە "یەكێتی نیشتمانیی کوردستان داوای کردوە هەمو ناکۆکییەکانی نێوانیان لەگەڵ پارتی بە یەک پاکێج چارەسەر بکرێن. پارتیش هیچ لارییەکی نییە بۆ چارەسەرکردنی ئەو کێشانە، بە ئامانجی ئەوەی بە یەک تیم بەشداریی دانوستاندنەکانی بەغدا بکەن."