پایگایەكی سوپای پاسداران لە ناوچەی سەرشیوی سەقز لە نێوان شاری سەقز و مەریوان لەلایەن گرووپێكی چەكدارەوە هێرشی كرایە سەر و ناوچەكە دوای ئەو هێرشە میلیتاریزە كراوە.
ئاوێنه: بەگوێرەی هەواڵی گەیشتوو بە هەنگاو، پایگای سوپای پاسداران (ڕەزا حوسێنی) لە ناوچەی سەرشیوی سەقز لەلایەن گرووپێكی چەكدارەوە هێرشی كراوەتەوە سەر.
گرووپی هەڵۆكانی زاگرۆس بە دەركردنی ڕاگەیەندراوێك بەرپرسیارێتی ئەو هێرشەی گرتووەتە ئەستۆ.
هەتا كاتی ئامادە كردنی ئەم هەواڵە، زانیارییەكی ورد لە سەر زیانەكانی دوو لایەنی پێكدادانەكە لە بەر دەستدا نییە و میدیاكانی نزیك لە سوپای پاسدارانیش ئەم هەواڵەیان ڕووماڵ نەكردووە.
سەرچاوەكانی هەنگاو ڕایانگەیاند دوای ئەم پێكدادانە هێزەكانی سوپا لە ناوچە بڵاوەیان پێ كراوە و ڕێگای سەقز و مەریوان بە شێوەی نیوە داخراو هاتووچۆی تێدا دەكرێت و چەندین بازگەی پشكنین تێدا دانراوە.