بڕیارە لە سبەی شەممەوە دەست بە تاقیكردنەوەكانی خولی دوەمی پۆلی 12ی ئامادەیی بكرێت و بەوهۆیەوە سەرلەبەیانیان بۆ ماوەی سێ سەعات هێڵەكانی ئینتەرنێت لە هەرێمی كوردستان رادەگیرێن.
ئاوێنە: بەگوێرەی زانیارییەكان، بەهۆی دەستپێکردنی خولی دوەمی تاقیکردنەوەکانی پۆلی 12ی ئامادەیی، لە سبەینێ(شەممە20/8/2022) لە کاتژمێر 7:30 خولەکی سەرلەبەیانییەوە تا کاتژمێر 10:30، هێڵەكانی ئینتەرنێت لە هەرێمی کوردستان ڕادەگیرێن.
تاقیکردنەوەکانی خولی دوەمی پۆلی 12ی ئامادەیی لە 20 تا 27ی مانگی 8 دەخایەنێت و جگە لە 26ی مانگ کە ڕۆژی هەینی دەکات، ئەو حەوت رۆژەی دیکە هێڵەكانی ئینتەرنێت سەرلەبەیانیان بۆ ماوەی سێ سەعات رادەگیرێن.