باڵیۆزی ئێران لە عێراق رایگەیاند، نزیکەی 100 زیارەتکاری ئێرانی لە عێراق بە هۆکاری جیاواز گیانیان لەدەستداوە. هەروەها بەپێی راپۆرتی فریاکەوتنی خێرای پارێزگای ئیلام، لەو زیارەتکارانەی لە ئیلامەوە گەشتیان کردووە، 33 هەزار و 600 کەسیان نەخۆش کەوتوون.
ئاوێنە: محەممەد کازم ئال سادق، باڵیۆزی ئێران لە عێراق، رایگەیاند، لە رێوڕەسمەکانی چلەی ماتەمینی ئیمام حوسێندا، بەهۆی "رووداوەکانی هاتووچۆ، نەخۆشی و بەساڵاچوونەوە" نزیکەی 100 زیارەتکاری ئێرانی گیانیان لەدەستداوە.
محەممەد کازم ئال ئیسحاق راشیگەیاند: ژمارەیەک زیارەتکاریش بێسەروشوێنن و ژمارەیەکیش لە خێزانەکانیان دابڕاون.