ئێوارەی ئەمڕۆ چوارشەممە، بۆ رۆژی دوەم، دەوروبەری گوندی "بادانە" لە سنوری ناحیەی ناڵپاڕێز لە قەزای پێنجوێن بە فڕۆكەی بێفڕۆكەوان بۆردومان كرا.
ئاوێنە: هێمن ئیبراهیم، بەڕێوەبەری ناحیەی ناڵپارێز بە میدیای رەسمی یەكێتی وت، بۆردومانەكە هیچ زیانێکی گیانی لێنەکەوتوەتەوە، بەڵام ترس و دڵەڕاوکێی زۆری لەناو گوندنشینان بڵاوکردوەتەوە.
ئاماژەی بەوەشداوە، لەئێستادا فڕۆکەی بێفرۆکەوان بەسەر ناوچەکەدا دەسوڕێنەوە و چاودێری ناوچەکە دەکەن.