هێڵی ئاسمانی عێراق نرخی گەشتە ئاسمانییەکانی نێوان بەغداد و سلێمانی کەمکردەوە
ئاوێنه: هێڵی ئاسمانی عێراقی ئەمڕۆ هەینی بڵاویکردەوە، “نرخی گەشتە ئاسمانییەکانی نێوان بەغداد و سلێمانی لە 215 دۆلارەوە بۆ 151 دۆلار و نرخی گەشتە ئاسمانییەکانی نێوان بەغداد و هەولێر لە 215 دۆلارەوە بۆ 158 دۆلار کەمکراوەتەوە”.
ئاشکراشیکردووە، “نرخی گەشتە ئاسمانییەکانی نێوان بەغداد و بەسرە لە 192 دۆلارەوە بۆ 149 دۆلار کەمکراوەتەوە”.
پێشتر لەسەر داوای وەزارەتی گواستنەوە و گەیاندنی عێراق هێڵی ئاسمانی عێراق بەڵێنی دابەزاندنی نرخی گەشتە ناوخۆییەکانی دابوو.