ئەمڕۆ یەکشەممە مەسرور بارزانی سەرۆکی حکومەتی هەرێمی کوردستان پێشوازی کرد لە عەلی ڕەزا گیونەی باڵیۆزی تورکیا لە عێراق.
ئاوێنه: لەوبارەیەوە لاپەڕەی فەرمی مەسرور بارزانی سەرۆکی حکومەت لە بەیاننامەیەکدا ئاماژەی بەوەکرد، “لە دیدارەکەدا، بارودۆخی گشتیی عێراق و هەوڵەکانی پێکهێنانی حکومەتی نوێ و کۆتاییهێنان بە بنبەستی سیاسیی و پەرەپێدانی پەیوەندییەکانی تورکیا و هەرێمی کوردستانمان تاووتوێ کرد”.
هاوکات، هەردوولا جەختیان لە برەودان بە پەیوندییەکانی نێوانیان، بەتایبەتی لە بواری ئابووری و بازرگانیدا کردەوە .