مەسعود بارزانی، سەرۆكی پارتی و وەفدێكی هاوپەیمانی ئیدارەی دەوڵەت كۆبونەوەو تێیدا رێككەوتن لەسەر گەیشتن بە چارەسەر لەبارەی پرسی دیاریكردنی سەرۆككۆمارو پێكهێنانی حكومەتی عێراق بەر لە ئەنجامدانی كۆبونەوەی پەرلەمانی تایبەت بەو پرسە.
ئاوێنە: ئەمڕۆ دوشەممە 10ی تشرینی یەكەمی 2022، مەسعود بارزانی، سەرۆكی پارتی پێشوازی لە شاندێكی هاوپەیمانی ئیدارەی دەوڵەت كرد.
بەپێی راگەیەندراوێكی بارەگای بارزانی "لە كۆبونەوەكەدا بارودۆخی سیاسیی عێراق و ڕێڕەوی دانوساندنەكانی پەیوەست بە دانیشتنی داهاتوی پەرلەمان و دیاریكردنی سەرۆككۆمارو پێكهێنانی حكومەتی فیدڕاڵی تاوتوێ كرا."
لە راگەیەندراوەكەدا هاتوە"بەشداربوانی كۆبونەوەكە لەسەر دیراسەكردنی ئەو بابەتە هەستیارانەو گەییشتن بە چارەسەر ڕێككەوتن، ئەویش بەر لە بەستنی كۆبونەوەی پەرلەمانی تایبەت بەم پرسە."