ئاسایشی سلێمانی رایگەیاند، هێزەكانیان بە هەماهەنگی لەگەڵ بەڕێوەبەرایەتی هەواڵگری و ئاسایشی حكومەتی عێراق، توانیویانە دو تۆمەتباری تیرۆر لە سلێمانی و بەغدا دەستگیربكەن.
ئاوێنە: بەڕێوەبەرایەتی ئاسایشی پارێزگای سلێمانی، ئێوارەی ئەمڕۆ دوشەممە، رایگەیاند"لە ئەنجامی کۆکردنەوەی زانیاری و چاودێریکردنی ورد، لەکارێکی پێکەوەیی بەڕێوەبەرایەتیمان و بەڕێوەبەرایەتی هەواڵگری و ئاسایشی حکومەتی فیدڕاڵ، توانرا دو دواکراوی هەڵهاتو لە یاسا بە ماددەی (٤)ی تیرۆر، یەکێک لە داواکراوان لە شاری سلێمانی و دوەم داواکراو لە ناوچەی مەدائین لە بەغداد دەستگیر بکەن و ڕوبەڕوی یاسایان بکەنەوە."