فراکسیۆنی نەوەی نوێ دژ درێژکردنەوەی تەمەنی پەرلەمان، لە دادگای فیدڕاڵی عێراق سکاڵای یاسایی لەسەر سێ سەرۆکایەتییەکەی هەرێم تۆمارکرد.
ئاوێنە: پاش ئەوەی لە دانیشتنی کۆتاییدا، پەرلەمانی کوردستان خوێندنەوەی دووەمی بۆ پێشنیازەیاسای درێژکردنەوەی تەمەنی کابینەی نۆیەم واتە ئەم کابینەیەی پەرلەمان کرد. نەوەی نوێ ناڕەزایەتی خۆی دەربڕی و بە پێچەوانەی یاسا ناوی هێنا.
ئەمڕۆش لە دادگای فیدڕاڵی عێراق فراکسیۆنی نەوەی نوێ سکاڵای یاسایی لەسەر سێ سەرۆکایەتییەکەی هەرێم تۆمارکرد دژی درێژکردنەوەی تەمەنی ئەم کابینەیە.
لە ماوەی رابردوودا نەوەی نوێ رایگەیاندبوو، کە درێژکردنەوەی تەمەنی پەرلەمان نایاساییە و مژدە مەحمود پەرلەمانتاری نەوەی نوێ رایگەیاند، "ئەو موچەیەی دوای ئەو وادەیە بدرێتە پەرلەمانتاران حەرامە."