هاوپەیمانی فەتح جەخت لەوە دەكاتەوە، حكومەتی نوێی عیراق دەستكەوتەكانی حكومەتەكەی عادل عەبدولمەهدی تەواو دەكات، هەروەها كار لەسەر مەلەفی دادگایی كردنی دۆناڵد ترامپ سەرۆكی پێشووی ئەمریكا دەكات.
ئاوێنە: حامد موسەوی سەركردە لە هاوپەیمانی فەتح لە بەرنامەیەكی تەلەفزیۆنیدا باسی لەوە كردووە، كێشمەكێشی نێوان لایەنە سیاسیەكان گۆڕدرا بۆ تۆمەت گۆڕینەوە، چوارچێوەی هەماهەنگی بە رێگە دەستوریی و یاساییەكان حكومەتی داهاتوو پێكدەهێنێت.
رونیشیكردوەتەوە، حكومەتەكەی سودانی تایبەت دەبێت و تەمەنی هەرچەند بێت حكومەتی دەستكەوت دەبێت، كۆمەڵگەی نێودەوڵەتیش پشتگیری حكومەتەكەی دەكات و ئەو دەستكەوتانە تەواو دەكات كە حكومەتەكەی عادل عەبدولمەهدی بەدەستی هێناون وەك رێكەوتنەكەكان، ئەوەش بۆ دەرچوون لەژێر عەبای ئەمریكا و دۆزینەوەی سەرچاوەی تری داهات جگە لە نەوت.
موسەوی لە بەشێكی تری قسەكانیدا ئاشكرای كردووە، حكومەتەكەی سودانی لەگەڵ دادگای ئەمریكی بەدواداچوون بۆ مەلەفی تایبەت بە تیرۆركردنی ئەبومەهدی موهەندیس دەكات، ئەوەش لە پێناو دادگایی كردنی دۆناڵد ترامپ سەرۆكی پێشووی ولایەتە یەكگرتووەكانی ئەمریكا لەسەر ئەو تاوانە.