پۆلیسى گەرمیان رایگەیاند، کچێک لە کفرى کوژراوە و باوکى تۆمەتبارى رووداوەکەیە، بەو پێیەى لەدواى رووداوەکەوە هەڵهاتووە.
ئاوێنه: کچەکە ناوى (ئ.ح) و تەمەنى 14 ساڵە و دۆسیەکەى رەوانەى بەڕێوەبەرایەتى بەرەنگاربوونەوەى توندوتیژى کراوە، ئەوەش بەوتەى عەلى جەمال قەدورى وتەبێژى پۆلیسى گەرمیان بۆ "ناس کورد".
عەلى جەمال وتیشى لێکۆڵینەوەى پۆلیس لەسەر رووداوەکە بەردەوامە و باوکى لەدواى رووداوەکەوە هەڵهاتووە و تۆمەتبارى رووداوەکەیە.
باسى لەوەشکرد، ئەو کچە ماوەى چەند ساڵێکە دایک و باوکى لەیەکتر جیابوونەتەوە و کچەکە لەلاى دایکى ژیاوە.