میدیای نزیك لە پەكەكە، كەمێك لەمەوبەر لە هەواڵێكدا بڵاویكردەوە "ئاسایشی سلێمانی لە ئۆپەراسیۆنیکدا هەشت هاوڵاتی باکوری کوردستانی دەستگیركرد کە بەهۆی گوشاری تورکیاوە لە سلیمانی نیشتەجێبون."
ئاوێنە: ماڵپەڕی رۆژ نیوز، نزیك لەپەكەكە، ئێوارەی ئەمڕۆ پێنجشەممە، ئەوەشی خستۆتەڕو"ئەو کەسانەی لە ئۆپەراسیۆنە سیاسییەکەدا دەستگیرکراون ئەندامی پارتی دیموکراتی گەلان(هەدەپە)ن و هۆکاری دەستگیرکردنەکانیان نەزاندراوە."
بەپێی ماڵپەڕەكە ناوی ئەو کەسانەی دەستگیرکراون بەم جۆرەیە: (موشریق چیفتچی، ئەرسۆی یەڵماز، حەسەن کاجار، محەمەد سۆیلەر، سەروەت ئاکدەنیز، شەفیق یەڵدرم، موراد توراک)و ناوی کەسی هەشتەمیشیان نەزاندراوە."
هەروەها وتوشیەتی"ئەو کەسانەی دەستگیرکراون سەرجەمیان بە هۆی گوشاری دەوڵەتی تورک لە باکوری کوردستان ئاوارەبون و ڕویان لە هەرێمی کوردستان کردوە."