پەرلەمانتاران داوادەکەن نرخی دۆلار وەک پێشتری لێبکرێتەوە
  2022-10-24       450       


ژمارەیەک لە ئەندامانی ئەنجومەنی نوێنەرانی عێراق داوادەکەن نرخی دۆلار بگەرێنرێتەوە نرخەکەی پێشووی، چونکە بارگرانیی بۆ خەڵک دروستکردووە.

ئاوێنه‌: ئەو پەرلەمانتارانەی داواکارییەکەیان پێشکەشکردووە، ژمارەیان 40 پەرلەمانتارە و نووسراوەکەیان بەناوی “نرخی دۆلار دابەزێنن” پیشکەشکردووە، لەوباریەوە دەڵێن، “بە لەبەرچاوگرتنی لێکەوتەکانی بەرزکردنەوەی نرخی دۆلار بەرامبەر دینار و کاریگەرییە نەرێنییەکانی لەسەر ئابوریی خێزانە عێراقییەکان بەتایبەت ئەوانەی داهاتییان کەم و دیاریکراوە، ئێمە داوادەکەین لە سەرۆکایەتیی پەرلەمان بە دابەزاندنی نرخی دۆلار و گەڕاندنەوەی بۆ نرخی فەرمیی پێشووی”.

ئەوە لەکاتێکدایە پێشتر بانکی ناوەندیی عێراق لە 19ی کانونی یەکەمی 2020 ڕایگەیاند، بە فەرمی نرخی دۆلاریان گۆڕیوە و نرخی هەر دۆلارێک بەرزکراوەتەوە بۆ 1450 دینار لەبری 1200 دیناری پێشوو.
 

زۆرترین بینراو
© 2022 Awene Online, Inc. All Rights Reserved.
×