وتەبێژى کۆمەڵى دادگەریى کوردستان رایگەیاند، پێش کۆتاییهاتنى تەمەنى پەرلەمان لە 6/11/2022 حزبەکەى بڕیارى کۆتایی دەدات لەبارەى مانەوەى یان کشانەوە لە پەرلەمانی كوردستان.
ئاوێنە: محەمەد حەکیم، وتەبێژی كۆمەڵی دادگەریی كوردستان، ئەمڕۆ سێشەممە، لە لێدوانێكدا بۆ میدیای رەسمی حزبەكەی وتی "پێش 6/11 بڕیارى کۆتایی دەدرێت لەو بارەیەوە لەکۆبونەوەى گشتى نێوان ئەنجومەنى سەرکردایەتى و ئەنجومەنى دامەزرێنەران."
ئەوەشی خستەڕو"ئەوە بڕیارێکى چارەنوسسازەو وەک خۆم پێمباشە لە پەرلەمان بکشێینەوە، لایەنەکانی ئۆپۆزسیۆن لە ئێستادا ئۆپۆزسیۆنی یەکدین."
لەماوەی رابردودا پەرلەمانتارانی نەوەی نوێ و هەروەها فراكسیۆنی یەكگرتو لە پەرلەمانی كوردستان بڕیاریاندا لەگەڵ تەواوبونی تەمەنی پەرلەمانی كوردستاندا، دەستلەكاربكێشنەوە.