ئەمڕۆ سێشەممە، کێشەى کوژرانى کارمەندێکى سکیوریتى لە سلێمانى لەلایەن کوڕى حەمەسور دوشیوانی، بەرپرسى پێشوى مەڵبەندى یەکێتى لەکەرکوک، چارەسەرکرا.
ئاوێنە: مەڵبەندی چەمچەماڵی یەكێتی لە راگەیەندراوێكدا وتی"ئەمڕۆ سێشەممە 2022/10/25، هەڤاڵ رێبوار جاف، ئەندامی سەرکردایەتی و لێپرسراوی مەڵبەند لەگەڵ بەشێکی زۆر لە ئەندامانی مەکتەبی سیاسی و سەرکردایەتی و بەرپرسانی حزبی و حکومی بەشداریان کرد لە ئاشتەوایی نێوان هەردو بنەماڵەی کاک حەمەسور دوشیوانی و کاک محەمەدی کاکەخان هەمزەیی لە مزگەوتی سەڵاحەدین لە ناحیەی تەکیەی کاکەمەند."
رۆژی 14ی تشرینی یەکەمی 2021، کارمەندێکی سکیوریتی بەناوی "هەڤاڵ محەمەد" لەپڕۆژەى دەروازە سیتی لە سلێمانى کوژراو دواتر حەمەسور دوشیوانی لەسەر روداوەکە کوڕەکەى خۆی رادەستى پۆلیس کرد.