وتەبێژی یەکێتی نیشتمانی کوردستان رایگهیاند، له كابینهی نوێی حكومهتی عێراق چوار وەزارەت بۆ کورد دیاریکراوە، بەشێکی زۆری را و بۆچونەکان ئەوەیە کە دو وەزارەت بۆ یەکێتی بێت.
ئاوێنە: جەمال تاهیر، وتەبێژی یەکێتی ئهمڕۆ له لێدوانێكی رۆژنامهوانیدا لهبارهی سهردانكردنی لایهنهكان رایگهیاند، لهماوهی رابردودا بەردەوام لە بەغدا بون و لەگەڵ لایەنە عێراقییەکان کۆبونەوەیان کردوە، پێویستی دەکرد لە کوردستانیش ئەو بابەتانەی لە بەغدا باسکراون بۆ بەشداریکردنیان لە حکومەتی عێراق و ئەو دۆخەی لە ناوخۆی هەرێمی کوردستان هەیە، لەگەڵ لایەنە سیاسییەکانی کوردستان گفتوگۆ، بکرێن بۆئەوەی رای یەکێتی و لایەنەکانی دیکەش بزانن.
ئاماژهی بهوهشكرد، لە هاوپەیمانێتی بەڕێوەبردنی دەوڵەت توانیویانە بەشێکی زۆری مافە دەستورییەکانی هەرێمی کوردستان جێگیر بکەن کە "دەبێتە بەرنامەی حکومەتی داهاتو کە بڕیارە ئەمڕۆ متمانەی پێبدرێت، سەرەتا مافە دەستورییەکان لە بەرنامەی کاری حکومەتی داهاتو جێگیر کراون و دواتر باس لەسەر وەزارەتەکان کراوە".
وتەبێژی یەکێتی باسی لهوهشكرد، "چوار وەزارەت بۆ کورد دیاریکراوە، بەشێکی زۆری را و بۆچونەکان ئەوەیە کە دو وەزارەت بۆ یەکێتی نیشتمانی کوردستان بێت".