بەڕێوەبەرایەتی دابەشكردنی كارەبای سلێمانی ئاگاداری ئەو شوێنە بازرگانی و پیشەسازییانە دەكاتەوە كە بڕی قەرزی كارەبایان پێنج ملیۆن دینارو زیاترە، ئەگەر لەماوەی 10 رۆژدا قەرزەكانیان پاكتاو نەكەن، كارەباكانیان دەبڕن.
ئاوێنە: بەڕێوەبەرایەتییەكە، ئەمڕۆ هەینی، لە راگەیەندراوێكدا وتویەتی"بەڕێوەبەرایەتی دابەشکردنی کارەبای سلێمانی ئاگاداری هاوبەشانی کارەبای شوێنە بازرگانی و پیشەسازییەکان دەکاتەوە، کە قەرزاری پارەی کارەبان بە بڕی (٥) ملیۆن دینار و زیاترە، لە ماوەی (١٠) ڕۆژدا سەردانی بەڕێوەبەرایەتی دابەشکردنی کارەبای سلێمانی بکەن بەمەبەستی پاکتاوکردنی قەرزی کارەباکانیان."
جەختیشی كردۆتەوە "بەپێچەوانەوە لەدوای ئەو ماوەیە کارەباکانیان دەبڕدرێت."